Londonda taʼlim: sifatli biznes taʼlimi va nufuzli MBA darajasi – London Kingston Universiteti

Kingston University London — Angliyaning janubi-g‘arbiy qismida joylashgan, Londonning Kingston upon Thames hududida joylashgan davlat ilmiy-tadqiqot universitetidir. Universitet 1899-yilda Kingston texnika instituti sifatida tashkil etilgan bo‘lib, 1992-yilda universitet maqomini olgan.

Kingston Universiteti to‘rtta kampusga ega: Penrhyn Road, Town House, Kingston Hill va Knights Park. Penrhyn Road — universitetning asosiy kampusi bo‘lib, Kingston shaharchasi markaziga yaqin joylashgan. Bu yerda san’at va ijtimoiy fanlar, matematika, kimyo va boshqa fakultetlar joylashgan.

Kingston Hill kampusida asosan hamshiralik, ta’lim, biznes, musiqa va ijtimoiy fanlar yo‘nalishlari joylashgan. 1989-yilgacha bu kampus Gipsy Hill nomi bilan tanilgan edi.

Knights Park kampusi — san’at, dizayn va arxitektura sohalarida sifatli ta’lim olishni istagan talabalar uchun a’lo joy.

Bugungi kunda Kingston Universitetida 18 070 nafar talabalar tahsil olmoqda. 2021–2022-yillarda universitetning yillik byudjeti 218,7 million funt sterlingni tashkil etgan.

Kingston Universiteti dunyo reytingida 601-o‘rinni (QS), Buyuk Britaniya reytingida esa 55-o‘rinni (Guardian 2024) egallaydi.

Kingston School of Business MBA darajasini taklif etadi. Bu dastur Milliy Akademik Mukofotlar Kengashi (CNAA) tomonidan tasdiqlangan va qo‘shimcha CNAA sertifikatini beradi.

2017-yilda universitet The Guardian University Award mukofotini ta’limdagi yutuqlari uchun qo‘lga kiritgan. Kingston Universiteti Yevropa Universitetlar Assotsiatsiyasi, Hamdo‘stlik Universitetlari Assotsiatsiyasi va University Alliance guruhining a’zosidir.

Kingston University London bugungi kunda quyidagi yo‘nalishlar bo‘yicha 221 ta bakalavriat va 292 ta magistratura dasturlarini taklif etadi:

• Biznes

• Jurnalistika

• Psixologiya

• Huquqshunoslik

• Muhandislik

• Sotsiologiya

To‘liq o‘quv dasturlari ro‘yxatini universitetning rasmiy veb-sayti orqali ko‘rishingiz mumkin. Shuningdek, Touran Study Abroad kompaniyasi mutaxassislari Sizga eng mos ta’lim dasturini tanlashda yordam berishga tayyor.

Bakalavriat ta’limining davomiyligi Foundation (tayyorlov) yili bilan birgalikda 4 yilni,
magistratura dasturlari esa 12 oyni tashkil etadi.

Agar Siz hali mutaxassislik bo‘yicha aniq qaror qabul qilmagan bo‘lsangiz, Foundation dasturlaridan birini tanlashingiz mumkin. Bu dasturlar Sizni akademik ta’limga tayyorlaydi va to‘g‘ri yo‘nalishni tanlashda yordam beradi. Kingston International Study Center, Kingston Universiteti tarkibida faoliyat yuritadi va xalqaro talabalar uchun moslashtirilgan Foundation dasturlarini taklif etadi. Ushbu markaz bitiruvchilarga turli bakalavriat yo‘nalishlarini tanlash imkonini beradi, shuningdek, ingliz tilini rivojlantirish va talabalar hayotiga moslashishda yordam ko‘rsatadi.

Kingston Universitetiga qabul qilinishning asosiy talabi – ingliz tilini yuqori darajada bilishdir.

Akademik talablarga kelsak, Kingston Universitetiga bakalavriat bosqichiga o‘qishga kirish uchun maktab attestati yoki o‘rta maxsus ta’lim diplomi yetarli bo‘ladi. Magistratura bosqichiga kirish uchun esa mos yo‘nalishdagi oliy ma’lumot diplomi talab qilinadi, shuningdek, tanlangan dasturga qarab universitet tomonidan qo‘shimcha talablar qo‘yilishi mumkin.

Kingston Universitetida siz o‘z bakalavr yo‘nalishingizdan biroz farq qiladigan magistratura dasturiga o‘qishga kirishingiz mumkin. Buning uchun sizga Kingston International Study Center tomonidan taqdim etiladigan yarim yillik Pre-Master’s tayyorlov dasturini tugatish kerak bo‘ladi.

Agar siz aniq bir yo‘nalish bo‘yicha o‘qishga kirish talablari haqida ko‘proq bilmoqchi bo‘lsangiz, Touran Study Abroad kompaniyamizning Britaniya bo‘yicha mutaxassisi bilan maslahatga yoziling. Chunki Touran Study Abroad – bu Kingston Universiteti va boshqa Britaniya universitetlarining rasmiy vakili bo‘lib, qabul jarayonida ayrim umumiy talablar bizning talabalar uchun bekor qilinadi yoki mahalliy sharoitga moslashtiriladi.

Sizning qabul jarayoningizni iloji boricha oson va tushunarli qilish uchun biz sizga har tomonlama yordam beramiz. Batafsil ma’lumot olish uchun biz bilan bog‘laning.

Kingston Universitetida bir yillik o‘qish narxi:

• Foundation: 15 750 GBP

• Bakalavr: 16 200 GBP

• Pre-Master’s: 11 900 GBP

• Magistratura: 18 900 GBP

To‘lovni har semestr uchun yarim yillik asosda amalga oshirish mumkin.

Bu narxlar – o‘rta hisobdagi umumiy miqdorlar bo‘lib, tanlangan yo‘nalishga qarab farq qilishi mumkin. Bundan tashqari, universitet yoki bizning kompaniya tomonidan taqdim etiladigan chegirmalar orqali o‘qish xarajatlarini kamaytirish imkoniyati mavjud.

Aniq o‘quv dasturi bo‘yicha to‘liq narxlar va chegirma olish shartlari haqida ma’lumot olish uchun mutaxassislarimiz bilan bog‘laning.

*Universitet o‘qish narxini o‘zgartirish huquqini o‘zida saqlab qoladi. Narxlar britan funt sterlingida ko‘rsatilgan.